A Asociación EFA Fointeboa, constituida en 1981, ten por finalidade principal promover a mellora e o desenvolvemento do medio rural, con especial atención á promoción profesional, cultural e social deste medio e das súas persoas, principalmente, mediante accións formativas con xoves e adultos.

Forman parte da Asociación os pais dos alumnos que seguen os cursos de ensinanza regrada, os antigos alumnos e profesionais do entorno que se identifican cos principios e fins institucionais.

A Asemblea Xeral é o órgano supremo do goberno da Asociación. que delega os seus poderes nun Comité Xestor elixido na Asemblea Xeral.

O Comité Xestor é o órgano de dirección da Asociación. Está composto por un mínimo de 7 e un máximo de 18 membros: un Presidente/a, Vicepresidente/a o director/a do Centro de Promoción Rural - EFA, o tesoureiro/a e de 3 a 14 vocais. O director/a do Centro de Promoción Rural actuará como secretario/a do mesmo e como secretario/a da Asociación.

Os fins, explicitados nos estatutos da Asociación, pódense sintetizar nos seguintes:

• Impulsar o funcionamento do Centro de Promoción Rural EFA Fonteboa, dacordo cos principios institucionais das Maisons Familiales Rurales, e tódalas actividades emantes do mesmo.
• Fomentar a incorporación da xuventude ás zonas rurais para o desenvolvemento activo dos seus territorios.

Para dar comprimento aos fins instutucionais organizanse actividades variadas ao longo do ano. Trimestralmente establécese unha planificación das mesmas que é remitida aos asociados.

Outras formacións:

Ademáis de formación regradas, homologadas pola Consellería de Educación, o Centro ofrece programas de formación continua e cursos de especilización, organizados polo propio Centro ou en colaboración con ouras entidades: Cursos capacitación profesional para a incorporación á empresa agraria, agricutura ecolóxica, apicultura, manipulador de alimentos, aplicación de fitosanitarios, benestar animal, etc.
Cada ano se planifican accións formativas en cada unha das áreas indicadas.